Olav og Janets plass på Internett
Gutta På Tur til Langvatn i Bykle Kommune
Som vanleg er gutta også i 2004:
Torgeir T. Bjørnarå Olav H. Rygnestad. Klikk her for: 2001 turen | 2002 turen | 2003 turen | ||||||
| ||||||
Tidleg på morgonen (kl. 7:30) den 16nde Juli møttest me på hytta til Torgeir. Hytta ligg på Hovden i Bykle Kommune. Målet den dagen var Langvasshytta - hytta til Øystein Sauro i Notodden. Me var heldige og fekk låne båten i Mjåvatn også. Det er lettare å ro enn å gå til Myrkjønn kvæven innest i Mjåvatn. | ||||||
Så gjekk turen vidare opp frå Myrkvæven - med mykje motbakk. Turen var lang inn til Sloaros hytta. Det er Turistforeininga som driv Sloaroshytta, men det var altså ikkje målet vårt på denne turen.... me skulle vidare - langt vidare innover i fjellheimen! | ||||||
| ||||||
| ||||||
Turen inn til Langvatn var dryg men me klarte det og viste slik at det er ein del spenst att i oss!! Me kom fram klokka 16:00 og då smaka det godt med mat og ein god Gammel Dansk. Då kjende me oss som fjellet's vandrarar. Før me la oss, sette me ut to fiskegarn. Veret var så tåleg godt utan vind. Me låg til klokka 8:00 neste morgon og tok oss god til til å nyte morgonmaten. Slik skal det vere når ein er på heietur! Me var også heldige og fekk ein del fisk over natta. Godt med steika fisk til morgonmat!!! Det smaka særdeles godt. | ||||||
| ||||||
| ||||||
Me la også turen innom Storhedderen og Skutesteinen. Storhedderen er ei hule ein kan søke ly i og Skutesteinen er ein 8 meter høg kjempestein. Gjennom tidene har jegarar søkt ly og brukt terrenget til å gøyme seg i under reinsdyrjakta. Det fins også fleire dyregraver i området. Området er også kjent for bergkunst (runer). Det var så koseleg at me tok ein god pause og steikte litt meir av fisken me hadde. Det vart eit festmåltid for slitne gutar! | ||||||
| ||||||
Langvassgruva produserte molybden i tidsperioden mellom 1910 og 1919. I området kan ein sjå husmurar, dam med vassrenne til kraftverk/ vaskeri, mura kjøreveger, gruveganger, og fleire dagbrot. Me fann også mykje skrapmetall - alt frå små panel og hjul til gedigne røyr. Ein kan lese meir om gruvearbeidet og livet på den tida i Bykle Kultursoge (Knut Gjerden 1993). | ||||||
| ||||||
Så var det på tida å snu nasen heimover. Me la turen om Jyvasslega. Legene var frå gamle dagar då folk brødfødde seg på jakt og fangst. Ein kan finne gamle fangst klenodier både her og der. Der er mange steinleger omkring på Jyvassfjøddi - nokre stend oppe endå og andre har falle saman. No ser dei berre ut som haugar av stein. | ||||||
| ||||||
TAKK FOR TUREN!
Olav H. Rygnestad
Torgeir T. Bjørnarå 2004 |
Web design av
Hild Rygnestad
Sist oppdatera october 2024